I Nissedal har elevane opp gjennom åra besøkt Ruth Nordbø i Framnesfeltet i Kyrkjebygda. Ho er ein framifrå representant for rosemålingskunsten, og er rekna for ein av våre aller fremste på dette feltet. Huset hennar er eit galleri med arbeid frå penselen hennar, men òg bilete og anna arbeid frå andre kjente kunstnamn. Ein varm og fin augustdag tok Ruth imot oss på trappa, alltid like blid og godhjarta og alltid like ivrig etter å formidle og vise til oss. Tusen takk, Ruth!
Mange dikt er blitt pryda med Ruth sine fine roser. "Um å bera" av Jan-Magnus Bruheim ser du her.
Tidelg i dette skuleåret tok Ruth imot oss heime i Framnesfeletet i Nissedal, pynta i ei drakt ho sjølv har laga.
Ruth har hatt glede også av andre uttrykk enn rosemåling.
Eit dekorert diplom frå 1975, Farsund og Lyngdal Jeger og Fisk. Ruth voks sjølv opp i dette området nærmare bestemt Holmen gård i i Herad i Vest Agder.
Gjennom eit langt liv har oppgåvene vore mange og varierte. Her med framside på Jol i Telemark.
Henrik Sørensen var ven av Ruth og hennar tidlegare mann og læremeister, Gunnar Nordbø. Skissa på biletet av Kristus som ung mann (den oppstandne Kristus) finn ein att som altertavla i Lindköping domkyrkje.
Tilbake på skulen og inspirert av Ruth prøva elevane seg på roser og fargelegging.
Fargar som høyrer godt saman . Ruth sa sjølv at Henrik Sørensen kom med tilrådingar når det gjaldt hennar eige fargeval.
Nokon fann glede i å kopiere rosemønster.
Me stelte til ei lita utstilling med rosemåla gjenstandar. Ein av desse var ein spesiell sekk.
Det finst litt i kvart i heimane til elevane. .
Ruth Nordbø vart fødd 26.12.1924 og blei nesten 95 år. Dette fine diktet har ho sjølv laga og dekorert i ein alder av 92 år. Imponerande!
Ansvarleg: Bent Arve Bratås