Ungdomsskule på barneskule

Det har vore omfattande vegarbeid mellom Kyrkjebygda og Treungen i lang tid, og på nyåret vart vegen heilt stengt grunna utfordringane ved Mjågesto. Dette førte til at ungdomsskuleelevane frå Nissedal hadde skulekvardagen sin på oppvekstsenteret i denne perioden. Fjellsikringsproblem førte til at elevane blei verande lenger enn tenkt på skulen vår, og ei lita gruppe med friluftsliv og fysisk som valfag fekk bruka dei fantastiske nærområda sine for å få gjennomført dette. På ein av utfluktene var alle dei sju elevane med. I strålande vinterver kryssa me heiane frå Stemtjønn på Kyrkjebygdheia og over til Nordbygda.

Skitur på Kyrkjebygdheia stod først på programmet.

Full fyr utan juksebrikker på Vikodden.

På Vik fann me ein trygg flekk stor nok til å spele isgolf.

På tur frå Stemtjørn på Kyrkjebygdheia til Nordbygdheia.

Opplevinga med å tråkke sine eigne løyper skal ein ikkje kimse av.

På denne turen var alle ungdomsskuleelevane med. Her har me ein kort stopp på Bjønntjønn.

Skimten av Bjønntjønn.

I "oppkjørte" løyper ved Skarstjønn.

Pilking på Lomkiltjønna.

Tryta lot seg ikkje lure, men stemninga var på topp likevel.

Nok ein gong spara me juksebrikkene.

Friluftsliv i Nissedal er ikkje oppskrytt.

Friluftsliv skaper samhald.

Då våren kom og spora forsvann skifta me til barmarksaktivitetar.

Me øvar på å ta ut kompasskurs.

Nøyaktigheit krevst når ein skal gå på kompasskurs.

Kaste på stikka eller å fuse er eit vårteikn.

Siste potten er rista. Takk for flotte turar med flotte elevar!

Tilbake til startsida

Ansvarleg: Bent Arve Bratås