TUR - 05
Tur - 05 er eit tur og aktivitetstilbod som trimgruppa i Nissedal IL steller med. På 8 ulike stader i bygda er det sett ut kasser med registreringsbøker der ein kan kvittere i "gjesteboka." Me har i mange år besøkt ein del av desse stadene, men i haust har me som mål å besøkje alle saman noko som resulterer i eit flott krus som prov på fullført opplegg. Me synest også det er flott at elevane blir kjent og glad i bygda dei bur i. (NB!Les entreprenørskap) Her kjem bilete frå dei ulike turane inn i rekkjefølgje, etter kvart som dei er unnagjorde.
Først ut var Torgrimsfjell. Alle stadene gir tilsaman 100 poeng. Dette var ein 10 poenger
Tur - 05
Tur nummer 2 gjekk til Vikodden (5 poeng). Nokon prøva off road sykling med vekslande hell.
Rindefjell er ein flott topp med panoramautsikt som belønning når ein kjem opp.(10 poeng)
Opp liane til Svartufs er det bratt, men utruleg fint på toppen. På denne turen fekk me føgje av ein svært sprek pensjonist på 77 år! (5 poeng)
Skornetten er høgste fjellet på denne sida av Nisser med sine 883 moh
På Raundalsfenta møtte me restane av orkanen Katrina.
Årets utfordring i Tur - 05, Øyfjellvarden (30p)
Finaleturen er eit faktum! Me feirar me eit skikkeleg bål ved Bjønntjønn.
Gustav, som var med oss på Svartufs og Øyfjellvarden, har alle krusa frå starten i 1994 og fram til i dag.
Komplett krussamling
Ansvarleg:Bent Arve Bratås