Mr Shirazy frå Zanzibar
Etter påske fekk me telefon frå ordføraren med tilbod om at me kunne få eit litt spesielt besøk på skulen. Ho hadde kome i kontakt med Mr Shirazy frå Zanzibar, og me takka sjølvsagt ja.
Mr Shirazy var på besøk hos kjente på Fjone, og her blir han trygt losa over på austsida av Nisser av skipper Solli.
Kabelferja må opplevast når ein er i Nissedal.
Mr Shirazy arbeider i skuleverket i Zanzibar, og formidla på ein flott måte mykje spennande frå heimlandet sitt.
På lærarrommet blei det tid til litt is og kaffe før Mr Shirazy reiste ut til elevane for å delta i leiken. Det var populært!! Han har nemleg spela fotball på landslagsnivå i Zanzibar.
Mr Shirazy var rundt på skulane i Nissedal, og her imponerer han med ballen i Treungen.
Etter utepausa var det ingenting å seie på populariteten. Nå har me to landslagsspelarar i fotball som har kvittert på døra i klasserommet.
Mr Shirazy fekk sjå mykje av Nissedal på sitt besøk, og her er han ved jettegrytene.
Me trur gjerne at dette kjenst litt rart. På veg ned frå Hægefjell.
Ansvarleg:Bent Arve Bratås